( الإنشآد والغنـآء ) .. على صفيح سآخـن !!

بسم الله الرحمن الرحيم
وأتم الصلاة والسلام على محمد بن عبدالله
وآله وصحبه الأخيآر المنتجبين ومن اتبعهم
إلى يوم الدين وقيآم السآعة ..

..

من غير مقدمآت ..
أو زخرفة الكلمآت ..
لأنه كلما كان الموضوع عآمي ..
بيكون سهل فهمه واستيعابه من مختلف الشرائح ..

علماء الدين والفقهاء حرموا سماع الأغاني لأنه رسول الله
عليه وآله الصلاة والسلام قآل :
صوتان ملعونان في الدنيا والآخرة :
مزمار عند نعمة، ورنة عند مصيبة

انزين ..

الأغاني شنو اللي فيها حرام ..
بتقولون ايقاعات ودنبكة وكلمات حب وغزل
حلو ما قلنا شي والكل يرغب بـ سماع الأناشيد !

وين الأناشيد اللي نسمعها !
أغلب الأناشيد الحين كلها ( ستآيلش ) ..
وكل منشد يتفنن بالايقاعات والموسيقى ..
بعرف بعد شـ تفرق عنه وعن الأغاني
خصوصا إنه في أناشيد نفس لحن أغاني بـ الضبط !
اللهم مغيرين الكلمات وبس يعني جذي السالفة

عيل أنا أقوم وأسمع أغاني ميامي ورويشد واللحن
اللي يآزلي أقوم أخذهـ وأشيل الكلمات وأحط بدالها
عن الإخاء ولا الصداقة ولا العمل الاسلامي .. إلخ !

النقطة الثانية اللي بـ صرآحة صدمتني ..
ومن خلال المنتدى عرفت وما خفي أعظم ..
أغنية ، نفس الكلمات وتقريبا نفس اللحن إذا مو اهو اللحن نفسه ..
بس الاختلاف إنه هناك مغني قالها وهني ( منشد ) قالها !

توصي شي أنا بكرهـ مسآفر ..
للمنشد / محمد الجبآلي ..

نفس اللحن ونفس الكلمات لأغنية مشهورة لـ راشد الماجد
وطبعا عندكم يوتيوب ولا أي موقع تسمعونها ..

بالله عليكم شنو اللي اختلف !
الأول محلله لأنه اللي قالها منشد والثانية محرمة لأنه اللي قالها مطرب !!

..

كل يوم نقول اليوم تتحقق الأحلام
للمنشد / مآ أدري منؤو !

اللحن ممكن اختلف بس هذي نفس كلمات اغنية مشهورة لـ عبدالمجيد عبدالله
طبعآ هـ المرهـ ماني قايل نفس الكلام اللي فوقه ، بقول شنو فرقت ايقاعات
هالنشيدهـ عن ايقاعات أي أغنية ؟

..

إذا كآنت الأغاني عشان كلمات وايقاعات
إذا كانت هذي تسمى بـ أنآشيد ومحلل سماعها
أسمع أغاني حزينة أبركلي لأنها على الأقل
مآفيها ايقآعات وكلمآتها لطيفه ( تمرأ) على القلب !!

/
\

هو موضوع كآن بـ خآطري ..
للنقآش وأتمنى أسمع وجهآت النظر ..
وأذكر ( اختلاف وجهات النظر لا تفسد للود قضية )
ولكن الأهم من كل هذا احترام وجهات النظر
ويآريت ماكو ردود يسلمووو

.. صلوآ على النبي ..

مرحبا ..

كلامك صحيح 100% .. مثل ما قلت كل منشد يتفنن بالمؤثرات الصوتية ليما تصير النشيدة حالها حال الاغاني ..

ولكن .. لا حياة لمن تنادي

يعطيك العافية اخوي

دُمتم ..

و الله صرااحة اغاني غير عن انااشيد و كلامك صح ان كل منشد يتفنن و ايقاااعات بس في بعضهم مافي موسيقى

يسلمووووو ع الموضوع

الفرق بين الانشاد والغناء هو ان الغناء يدخل فيه موسيقى والانشاد مافيه موسيقى فيه موثرات

وشكرا ع المضوع

اذا اثنيناهم نفس الشي
لا تسمعونهم اثنينهم
انا صراحه قريت ان اللي يسمع اغاني يدخل في اذنه صيخ من الحديد ويمنع من سماع ماعزف الاخره
ووقف ماسمع اغاني
الله يهدينا ويهدي الجميع
يسلمو على الطرح