عليك الله ياعيد(ن) تعود وميته ساره

[center][center]

دخيلك قول أي حاجه بلا كل عام وأنت بخير
أنا من وين أشوف الخير وجرحي تشتعل ناره

بلا خير وبلا عيد وبلا فرحه ولا تقدير
عليك الله ياعيد(ن) تعود وميته ساره

على وضعك يعيد من الحناجر تطلق التكبير
وثوبك ياصباح العيد كل الناس تختاره . . .

وطفل(ن) لملم أغراضه ونام بفرحته بكّير
وقام من الفجر يلبس ويسأل وين ديناره

وطفله قامت تمشط شعرها من اخوها تغير
تبي تغيضه بشنطتها الجديدة وعقد واسواره

ورجل(ن) يفتح أبوابه على عز وبلا تقصير
وصوت النجر وحمس البن وريح الهيل في داره

وجمر(ن) يحتضن صفر الدلال ويعشق التبخير
وهرج(ن) طيب وفلة حجاج وضحك وابشاره

وبنت(ن) حنت ايديها برسم(ن) للعيون يثير
وحطت كحل وحطت عطر وزاد العيد بأزهاره

وفرحة أم تبيكي من فرحها خانها التعبير
وحارت وش تبي تاخذ هدية عيد للجاره

وكل الناس تفرح في صباحك والأمور تسير
وترسم السماء شكل الفرح في مبسم الحاره

كذا وضعك ياصبح العيد ولاكن في عيوني غير
تذكرني بموت وقبر ورمل وطين ومحفاره

تذكرني بسارة ياصباح الجرح والتذكير
تذكرني بدم الفجر وموت الصبح وأنواره

خذتها من سنين ايدينك بقسوة بلا تأخير
وماتت في كفوفك ياصباح الموت واحضاره

وهي كانت تجهز ثوب عيد متعطره تعطير
ولاكن الكفن عيّا وشمس العيد غداره

عليك الله ياعيد(ن) ذبحت القلب والتفكير
وشلت بداخلي جرح(ن) ينوح وأنت مزماره

ثلاث سنين وصبح العيد ثوبي مشقق(ن) وقصير
وكفي تملأ جيوبي برمل القبر وحجاره

ثلاث سنين أجي للقبر مره صبح ومره اعصير
وأضمه وامسحه وابكي عليه وامسك غباره

ثلاث سنين وباقي العمر لاطيب ولاني بخير
مدام القبر ودود الأرض عيّد في جسد ساره

صح السانك اخوي الجوكر و ماقصرت
يعطيك العافيه ..
في انتضار المزيد من ابداعاتك ..
تحياتي \\ البرنس king

صح لسآنك ^.^
وتسلم ع الموضوع وماقصرت ~>

صح لسانك
يعطيك العافيه

صح لساااااانك
يعطيك العافية عليك الله ياعيد(ن) تعود وميته ساره Icon_surprised

» مضاد انفلونزا الخنازير باذن الله ( الله يبعد الشر بيننا )
» عندما يتغير عليك أعز الناس
» . ★سويسرا سبحان الله ★
» نبع غريب ( سبحان الله )
» قبل ماتدش قول سبحان الله