فديت البحرينيه

خوش رد ردت عليه والله

واحد طرح هالكلام

بسم الله والحمد لله
والصلاة والسلام على رسول الله وبعد،،

الصراحه اعرفت ترد عليه وتأدبه خخخخخ

نعم
فديت ذيك البحرينيه

التي كانت اذا جاء ولي أمرها وقال لها فلان خطبك أحمرت وجنتاها وقامت (تتنافظ).

نعم
فديت ذيك البحرينيه

التي لم تسمح لنفسها أن تدخل محلاً أي ماكان به رجل غريب .

نعم
فديت ذيك البحرينيه
التي شهدناها(ونحن مستغربين) وهي في ليلة زفافها تبكي ودموعها (أربع أربع).

نعم
فديت ذيك البحرينيه
التي كان من زي لبسها وحشمتها عنوان أنها بحرينية .

نعم
فديت ذيك البحرينيه
التي أبت أن تعمل في مكان مُختلط به رجال غرباء عنها.

نعم
فديت ذيك البحرينيه
التي إذا خُطبت من أحد لاترد بموافقتها إلا بالسكوت .

نعم
فديت ذيك البحرينيه
التي لو صادف أن كلمها رجلاً غريب تلعثم لسانها وعجزت بالرد عليه .

نعم
فديت ذيك البحرينيه
التي جعلت من جسدها وجمالها قدسية وسياج بإستثناء من شرعه الله لها.

نعم
فديت ذيك البحرينيه
التي كان الخجل والحياء فيها عنوان لجواز مرورها الإسلامي قبل البحريني.

فأين تلك البحرينيه بهذه الإيام ؟؟؟

****

وردت عليه وحده

فديت ذاك البحريني

اللي كان يقعد يتريق مع عياله ومرته كل صبحيه ويتغدا ويتعشى معاهم بعد وخلال كل وجبه يسألهم عن اخبارهم وكل عصر جمعهم على سوالفه وذكرياته وتجاربه الحلوه بدل مايصبحهم بهوشه والا غيضه والا يقابلهم بصمت الاموات ولا كأنه معاهم ..
فديت ذاك البحريني

اللي يروح بنفسه الجبره يشتري ودام الغدا وسوق واقف يشتري الماكله كلها لا ويوصيها تطرش حق هله وجيرانه بدل مايحذف حق مرته الفلوس ويقولها روحي بروحج أنا مستحيل اروح السوق والا ادش الجمعية....

فديت ذاك البحريني

اللي لين اخترب شي في البيت حاول يصلحه بروحه واذا عجز راح جاب العامل يصلحه بدون مايحسس هله ان هالشي اخترب فعلاً بدل مايخليها تطهق من كثر ماتقوله لين تروح بنفسها تغير حتى السبوتات والا تجيب الكهربائي..

فديت ذاك البحريني

اللي لين احتاجوا عمال في البيت وقف على رأسهم وامر هل بيته بأنهم مايطلعون من الغرفه لين يخلصون ويروحون بدل مايخليها تقابلهم ويروح يرقد والا يروح المجلس...

فديت ذاك البحريني

اللي يودي عياله المدارس ويرجع ياخذهم الظهر بدون مايذل ام اللي جابت ام مرته لأنها ماتروح بداله وتفكه...

فديت ذاك البحريني

اللي لو شاف مره في اي مكان عام وكله رجاجيل جاها وبهدوء وبكل نخوه عرض عليها المساعده والا قدمها على نفسه عشان تخلص بسرعه بدل ما يرقمها والا يزاحمها على الدور كن اللي قدامه رجال مثله...

فديت ذاك البحريني

اللي لين شاف الحريم غض عنهم بصره سوا كان بروحه والا مع هله بدل مايطالعهم كأنه بياكلهم ولا معطي اللي معاه اي اعتبار وياويلها لي ارفعت الغشوه والا نزلت دريشة السيارة حتى لو المكيف خربان....

فديت ذاك البحريني

اللي يمشي وبكل فخر وقوة مثل الاسد لكن لي كلمته المره صد بوجه ورَد عليها بدون مايحرجها....

فديت ذاك البحريني

اللي يعتز بثوبه وغترته بدل مايلبس قميص وبنطلون يزعم اريح...

لين لقيت هالبحريني تعال علمني ....

في واايد منهم
وبعلمك وين تلقى البحرينية اللي تدورها.....

في شارع المعارض يمكن

هههههههههههههههه
صح لسانج
يسلمو على الموضوع
في انتظار جديدك

يسلموو على المرور يبه منوره
بس ترى مو صح كلامهاا
شدعوه في وحده الحين تعرف تطبخ
او متفرقه تقعد حق زوجها من الصبح

هذاك زمان اول البنيه تكون فيها هالمواصفات

لكن الحين الكل يراكض ولا الجمال والموضه واخر الصيحات

شكرااااا على الموضوع الرائع

تسلم بوخالد على المرور

هذاك زمان اول البنيه تكون فيها هالمواصفات

لكن الحين الكل يراكض ولا الجمال والموضه واخر الصيحات

هههههههههههههههههههه

ولوو اني بنيه بس معاك في هالكلااام

تسلم اخوي ع الموضووع

السلام عليكم ...

أنا ارد على اللي يقول هاي زمان اول ..بسؤال ..

ليش مانكون مثل اول على الطريق المستقيم الصحيح ونترك عنا هالسوالف اللي الصراحه اعتبرها (مصخره) <<< مش عن البحرين بس بل عن كل بنت ماتتصف بهالمواصفات واللي نحصلهم كثار في هالزمن وللأسف ..وطلعت عندنا ظاهره جديده هي الحب وهاي الادهى والامر واللي يضيع بناتنا ويخليهم يبتعدون عن المواصفات اللي ذكرتها ومنها الحياء .. البنت من كثر ماكلمت من الشباب صار عندها عادي تكلم اي شخص وتكاسره .. وراح تقلل من انوثتها وتدمر مستقبلها وحيائها .. اتمنى انه كلامي يكون مفهوم انا بس مسكت سبب واحد من الاسباب اللي تخلي الحياء في البنت معدووم .. << اللي هو الحب ..

تقبل مرووري اخوي وتسلم عالطرح الرائع ولاهنت ..

اخوك .. قلب ملائكي :>

يسلمو ع الموضوع ,,,,,,,,,,, فديت البحرينية هههه يمكن ذي مال زمان الاول

هههههههههههههه
يا ريال .. هالاوادم ماتحصلهم هالايام أله شوي كلش اعطيك نسبة 5 % سواء ً صبيان او بنات مافي من احد بهالمواصفات
يعطي ربي الف عافيه و ماقصرت
ننتضر منك الاروع
اخوك \\ البرنس king